СЕМЕЈНО НАСИЛСТВО ВО ДЕМИР КАПИЈА: 36-годишна жена го нападнала сопругот – полицијата ја спровела во здравствена установа
Случај на семејно насилство е регистриран вчера попладне во Демир Капија, каде полицијата морала да интервенира и да приведе 36-годишна жена која физички насрнала врз својот значително постар сопруг.
Службеници од ОВР Неготино ја лишиле од слобода жената вчера во 17:00 часот.
Според информациите од Секторот за внатрешни работи (СВР) Велес, полицијата постапила по пријава дека во нивниот заеднички дом, 36-годишната жена физички го нападнала нејзиниот 58-годишен сопруг.
По приведувањето, жената не била задржана само во полициска станица. Од полицијата информираат дека таа е префрлена на лекување или опсервација.
