Село во Германија под блокада – пронајдени три тела, се трага по убиецот
Три тела се пронајдени во куќа во селото Вајтефелд во западна Германија. Во тек е голема потера по осомничениот, кој побегнал кога полицајците пристигнале на местото на настанот, потврдил портпаролот на полицијата за германската новинска агенција.
Полицијата ги советуваше локалните жители да останат дома и ги предупреди возачите да не застануваат за автостопери, објавија локалните медиуми. Германскиот весник „Билд“ пишува дека специјалци се на улиците на селото и дека во потрагата е вклучен и хеликоптер.
Вајтефелд, кој има околу 2.200 жители, е под полициска блокада и се проверуваат возилата кои влегуваат и излегуваат. Портпаролот на полицијата за Билд изјави дека повикот за пронајденото тело бил примен околу 3:45 вечерва.
Полицијата соопшти дека инцидентот се случил во семеен дом и дека меѓу жртвите има двајца мажи и една жена. Портпаролот на полицијата не исклучи дека меѓу загинатите има и деца.
Шефот Карл-Хајнц Кеслер истакна дека „никогаш не можел да замисли дека таков чин“ ќе се случи во Вајтефелд. Тој истакна дека во куќата живееле жена, маж и тинејџер.
