Села свика Централно собрание на AA, ќе се бара одговорност од Таравари
Претседателот на Централното собрание на Алијанса за Албанците, Зијадин Села вечерва на прес-конференција во седиштето на партијата во Тетово објави дека свикува седница на ова партиско тело за в сабота.
Според него, на истата ќе се бара одговорност за претседателот на партијата, Арбен Таравари.
Тој додаде и дека покрај одлуката на партиските органи за АА да оди самостојно на парламентарните избори, Таравари решил да оди спротивно на ова по вчерашната објава на Фејсбук во која побара поддршка за АА да оди на избори заедно со опозициските партии на Албанците.
