СЕГА ПОСКАПЕ И УВОЗОТ: Ќе има зголемување на замрзнатите цени
Замрзнатите цени на некои производи ќе се зголемат затоа што поскапел и увозот.
Ова на прес конференција го истакна министерот за економија Крешник Бектеши.
Според него, колку се зголемени цените на увозот на одредени производи, процентуално ќе се зголеми и цената која е замрзната, а ако има намалување на цените што се прикажани во Царинската управа, процентуално на тоа намалување ќе се намали и цената на тој производ.
„Ако е иста, ќе остане иста. Генерално, нашиот увоз е од Грција, Турција, Албанија и од Србија и повикувајќи се на новите цени што се пријавуваат во Царинската управа, следниот вторник Владата ќе ги ревидира замрзнатите цени. Кај одредени производи ќе има многу мало зголемување како највисока цена на овие производи, но никако нема да има во малопродажба цени како пред десетина дена кога се движеа околу 130-140 денари, па отидоа и до 150 и погоре. Цена на овошјето и зеленчукот за производите што беа наведени во одлуката нема да има поголема од 100 денари за што дополнително ќе ја информираме јавноста“, порача Бектеши.
