СЕ ЗГОЛЕМИЛ БРОЈОТ НА РАБОТНИЦИ ВО ИНДУСТРИЈАТА: Во текстилот имало откази
Според статистичките податоци, во државата се зголемил бројот на работници во индустријата, а во текстилот имало откази.
Најголем пораст на бројот на вработени од 52,6 отсто е забележан во индустријата за поправка и инсталирање на машини и опрема.
Најголемо намалување на вработените од 10,4 отсто има во индустријата за производство на облека и во индустријата за производство на електрична опрема каде е ист процентот на намалување на бројот на работници.
Бројот на работниците во индустријата во јануари 2024 година, во однос на јануари лани се зголемил за 2,6 отсто, покажуваат податоците на Државниот завод за статистика(ДЗС).
Пораст на бројот на работници е забележан скоро во сите индустриски гранки. Така бројот на работниците во секторот „рударство и вадење на камен“ во јануари 2024 година, во однос на јануари 2023 година, има пораст од 6 отсто, во секторот „преработувачка индустрија“ пораст од 2,4 отсто, а во секторот „снабдување со електрична енергија, гас, пареа и климатизација“ пораст од 0,8 отсто.
Во медиумите веќе имаше поплаки од работнички од истокот дека добиле откази во текстилниот сектор. Луѓето од текстилниот сектор тврдат дека нивните соработници од странство наоѓаат фирми во други земји каде има помлада работна сила.
foto freepik.com
