СЕ ЗГОЛЕМИ БРОЈОТ НА ЖРТВИ: Во Нови Сад загинаа 11 луѓе
Српските медиуми јавуваат дека во несреќата во Нови Сад каде се урна натстрешница на Железничката станица загинаа 11 луѓе. Оваа бројка нема да биде конечна.
„Во катастрофалната несреќа што се случи на железничката станица во Нови Сад загинаа 11 лица“, изјави министерот за внатрешни работи на Србија, Ивица Дачиќ.
Дачиќ изјави дека на едно лице му е ампутирана ногата. Има и повредени кои завршија во болница.
Директорката на Клиничкиот центар во Војводина, Весна Туркулов во изјава за медиумите вели дека три од повредените лица се во тешка состојба во Ургентниот центар.
Српскиот претседател Александар Вучиќ, премиерот Милош Вучевиќ и министерот за внатрешни работи Ивица Дачиќ пристигнуваат во Нови Сад, пишува Телеграф.
Во Србија утре е ден на жалост, а во Нови Сад е прогласена тридневна жалост.
