СЕ ЗАТВАРА ГОРДОСТА НА ЈУГОСЛАВИЈА: Познатиот рудник заминува во историјата – по 140 години останаа само долгови
Сојузниот министер за енергетика, рударство и индустрија на БиХ Ведран Лакиќ најави дека поради загуби ќе биде затворен рудникот за кафеав јаглен Зеница, а со нови проекти ќе се обезбеди нова енергетска независност.
Акумулираните загуби на Електропривреда БиХ се создадени, меѓу другото, врз основа на непрофитабилното управување и работење на рудниците за јаглен, при што годишните загуби само на рудникот „РМУ Зеница“ изнесуваат близу 20 милиони КМ.
Зборувајќи за судбината на рудникот Зеница, министерот Лакиќ рече дека одлуката за затворање на овој рудник е договорена во соработка со сојузниот синдикат и раководството на рудникот.
– Поради недоволното производство на јаглен во рудниците, моравме да увеземе струја во 2023 година, а знаете и самите дека долго време ние бевме тие што извезувавме струја на други пазари. Од 2009 година, Владата на ФБиХ инвестираше над 500 милиони КМ во рудници, од кои ревизијата утврди дека 117 милиони не се оправдани и таа сума е вклучена во долгот на ЕП на БиХ од 331 милион КМ“, додаде Лакиќ.
