Се забрануваат протести пред Собрание, Африм Гаши бара прогласување безбедносна зона околу зградата
Во Собранието на Република Северна Македонија денес пристигна предлог-закон за прогласување на просторот околу Собранието за безбедносна зона, поднесен по скратена постапка од страна на пратеникот Африм Гаши и група други пратеници.
Законот, кој веќе влезе во втората фаза на читање, предвидува сериозни ограничувања во периметарот околу законодавниот дом, вклучувајќи и забрана за протести, јавни собири и летови со дронови, како и градежни активности и поставување инфраструктура во дефинираниот безбедносен простор.
Според член 8 од предлог-законот, конкретно се забрануваат:
Законот исто така предвидува укинување на сите дозволи за градба во зоната кои се одобрени пред неговото стапување во сила, како и раскинување на постоечките договори за земјиште во просторот што ќе биде прогласен за безбедносна зона.
Предлогот го потпишуваат пратениците Африм Гаши, Беким Коку, Блерим Беџети, Борислав Крмов, Весна Бендевска, Никола Мицевски и Оливер Спасовски. Работното тело задолжено за разгледување е Комисијата за одбрана и безбедност.
Овој потег доаѓа во период на зголемени тензии и зачестени протести, што веќе предизвикува реакции кај јавноста и граѓанските организации поради потенцијалното ограничување на уставно загарантираните слободи.
