СЕ УВЕЗУВААТ ЕВТИНИ ЈАЈЦА ОД УКРАИНА: Ова ги загрижува Хрватите

Расте увозот на јајца во Хрватска, a живинарите се плашат од украинските инвестиции.

Живинарите предупредуваат дека реализацијата на овие инвестиции може да донесе значителна нерамнотежа и на хрватскиот и на поширокиот регионален пазар.

Увозот на јајца се зголеми од 70 милиони на 115 милиони јајца. Минатата година имаше околу 631 милион јајца, што е за 5 отсто помалку од претходната година. Во исто време, јајцата во Хрватска беа најскапи во ЕУ минатата година. 

„Пристигнуваат од сите можни земји, од каде што се најевтини, проблем ни е да се натпреваруваме со големите производители лоцирани во ЕУ, кои се многу поголеми од нас, а од друга страна, увозот на овие производи е недоволно контролиран“, објаснува Дражен Чурила за телевизијата РТЛ, претседател на Одделот за живина при Хрватската земјоделска комора.

Руската агресија на Украина и огромниот пораст на извозот на месо од живина и јајцата за јадење од оваа држава до пазарот на ЕУ дополнително ги нарушија односите на пазарот, а со тоа и потрошувачките цени на живинското месо и јајцата. 

Евростат претходно објави дека јајцата во Хрватска се скапи. 

foto freepik.com