Се сликаше со сите, воопшто не се однесуваше како ѕвезда – во Црна Гора воодушевени од Ѓоковиќ
Светски познатиот српски тенисер Новак Ѓоковиќ, ужива на одмор во Црна Гора. Тој се однесува скромно и луѓето се воодушевени од него.
Како што раскажуваат Црнгорците, тенисерот веќе некое време е во Портоново, а годинава дојшол по втор пат.
„Нашиот ресторан е еден од најскромните каде може да се јаде на оваа локација. Новак побара целосен оброк со пијалок за 16 евра, сите беа изненадени. Дојде тука без врева, како и сите други… Дојде, убаво вечераше, остави добар бакшиш, се сликаше со сите, воопшто не се однесуваше како ѕвезда! Секаде се однесува исто, на сите им одговара, ги воодушеви гостите, многумина сакаа да се сликаат со него кога дознаа кој е тука“, изјави работникот во ресторанот за Блиц.
Ѓоковиќ е нов жител на Херцег Нови. Тој таму поседува имот. Ѓоковиќ повеќе од десет дена е во Црна Гора, а следна дестинација ќе му биде Америка каде ќе игра за нова грен слем титула на САД Опен.
