Колапсот на производството на какао во Африка ќе ги поскапе чоколадите
Какаото станува дефицитарно, поради што следи ново поскапување на чоколадите.
Трошоците за какао на големо скокнаа на највисоко ниво во последните децении, а производителите се обложуваат дека цените ќе останат високи до 2024 година. Главната причина за зголемувањето на цената е намалувањето на производството во Западна Африка, регион кој сочинува две третини од светското производство. Обилните дождови и болеста што предизвикува гниење ги опустошиле посевите.
„Преработката на зрната какао, исто така, опадна низ целиот свет, што покажува дека мелниците се борат да обезбедат соодветни количини“, предупредува Фуад Мохамед Абубакар, менаџер за какао во Гана, пренесува Каматица.
Најголемиот светски производител на какао, Брегот на Слоновата Коска, се очекува да ја намали својата претстојна жетва за скоро една петтина во споредба со лани и веќе ја прекина трговијата со договори кои ги обврзуваат земјоделците да ја испорачаат стоката во одредено време. Во Гана, вториот по големина производител, производството ќе се намали под историскиот просек.
foto freepik.com
