Се шири фотографија од недопрена зграда среде урнатините во Турција – еве чива е!
Бројот на жртвите од земјотресот што ги погоди Турција и Сирија надмина 24.400 и може дополнително да се зголеми додека спасувачките тимови пребаруваат низ урнатините на илјадниците урнати згради. Повеќе од 80.000 луѓе беа повредени во двата разорни земјотреси што го погодија регионот во понеделникот.
Оттогаш спасувачите се тркаат со времето, но со секој час се намалуваат шансите да се најдат преживеани под урнатините. Властите соопштија дека околу 6.500 згради во Турција се урнале, а многу се оштетени во зоната на земјотресот, која погодува околу 13 милиони луѓе.
Една од најтешко погодените области е градот Кахраманмарас на југот на Турција. Градот беше речиси целосно срамнет со земја. Деновиве на социјалните мрежи се шири фотографија на која се гледа како една зграда стои недопрена по земјотресот меѓу урнатините на зградите.
„Зградата на сликата е во Кахраманмараш, таа е репрезентативна зграда на Комората на градежни инженери. Само науката и технологијата да се применуваат за доброто на луѓето“, пишуваат корисниците на Твитер.
One building standing in Kahramanmaras: The Chamber of Civil Engineers pic.twitter.com/tJAfA4whYb
— Ragıp Soylu (@ragipsoylu) February 10, 2023
Становите кои некогаш макотрпно ги штедеа, уредуваа и ги правеа за живеење толку долго, сега лежат во куп урнатини по силниот земјотрес што ја погоди Турција. Нови и стари згради, некои изградени пред само шест месеци, се распаднаа. Други се сплескаа како бетонски палачинки.
Целосниот обем на штетите од земјотресот со јачина од 7,8 степени според Рихтеровата скала во понеделникот и континуираните последователни потреси што предизвикаа хаос во Турција и Сирија, при што загинаа повеќе од 24.000 луѓе, не е познат. Бројот на смртни случаи во Турција секојдневно се зголемува.
Паралелно, расте гневот зошто, во земја со повеќе раседни линии и историја на големи земјотреси, квалитетот на градбата е толку лош што зградите се распаѓаат како хартија.
