![СЕ РУШИ ПОЗНАТАТА КРИВА КУЛА: Симболот на градот има пукнатини во циглите, итно е ограден – „има опасност да падне“](https://novina.mk/wp-content/uploads/2023/12/screenshot_4-1-775x560.webp)
СЕ РУШИ ПОЗНАТАТА КРИВА КУЛА: Симболот на градот има пукнатини во циглите, итно е ограден – „има опасност да падне“
Болоњската крива кула Гарисенда, стара девет века, е опкружена со бариера висока пет метри бидејќи се урива, објавија локалните власти.
Ова е направено за да се спречи ѕидовите на кулата, доколку се урне, да се удрат во околните згради, објави Тајмс.
Во новото вештачење се наведува дека кулата е во голема опасност од паѓање, затоа мораме да бидеме подготвени за секаква евентуалност“, изјави портпаролот на градските власти.
Како што е најавено, околу основата на кулата ќе бидат поставени светло-црвени бариери со дебелина од 2,6 метри, кои потсетуваат на големи Лего блокови.
Експертите веруваат дека кула од 12 век во срцето на Болоња би можела да падне, по откривањето на распадната каменина и зголемениот број на пукнатини во тулите.
Гарисенда, која е висока околу 48 метри, веќе е наведната четири степени, што е нешто помалку од петте степени на кривата кула во Пиза.
Како што забележува „Тајмс“, сензорите откриле дека Болоњската кула, по повеќевековно навалување на југоисток, неодамна се преселила и почнала да се навалува кон југ.