СЕ ПРОДАВА КУЛТНИОТ ХОТЕЛ ЈУГОСЛАВИЈА ВО БЕЛГРАД: Проценет на речиси 55 милиони евра, јавното надавање ќе се одржи на 22. март
Врз основа на стечајната одлука на стечајниот судија на Стопанскиот суд во Белград, стечајниот управник на должникот Дунав Риверсајд доо ја објави продажбата на оваа фирма по пат на јавно наддавање, а како најзначајна ставка е наведен имотот на Хотел Југославија.
Хотел Југославија се продава како единечна единица која се
состои од подрум, приземје, мезанин и осум ката, а се наоѓа на улица Булевар
Никола Тесла бр. 3 во Белград.
На продажба се нуди и градска градежна парцела во Земун,
вкупната површина на парцелата е 45.613 метри квадратни (површината на
земјиштето под зградите е 13.981 квадратни метри, површината на земјиштето до
згради е 31.632 метри квадратни), како и останатите средства на стечајниот
должник, кои се состојат од лустери и бисти, скулптури, дела на Александра Зарина, соопшти Агенцијата за
лиценцирање на стечајните управници.
Проценетата вредност на стечајниот должник како правно лице
е 6.353.994.542 динари (54,2 милиони евра), а почетната цена е 3.176.997.271,00
динари (27,1 милиони евра).
Јавниот тендер ќе се одржи на 22.03.2024 година во 12 часот.
Во случај купувачот кој го обезбедил депозитот со банкарска гаранција победи на
јавното наддавање, тој мора да го уплати износот на депозитот на сметката на
стечајниот должник, во рок од два работни дена од јавното наддавање, а пред да
го потпише купопродажниот договор, по што ќе му биде вратена гаранција.
Договорот за купопродажба се потпишува во рок од 8 дена од
денот на одржувањето на јавното наддавање, под услов депозитот обезбеден со
гаранцијата да е уплатен на сметката на стечајниот должник.
ФОТО: ФБ
