СЕ ПРОДАДОА ПО 48 ОТСТО ОД АКЦИИТЕ НА „ГЕРАС ЦУНЕВ КОНФЕКЦИЈА“ И „ГЕРАС ЦУНЕВ ТРГОВИЈА“- што се случи со акциите на Трајче Заев?
Се продаде половина или конкретно 48 отсто од конфекцијата „Герас Цунев конфекција“ од Струмица, како и 48 проценти од „Герас Цунев Трговија“.
Во петокот преку Македонската берза за долгорочни хартии од вредност поминаа две блок трансакции, во кои за однапред познат купувач се продадоа дури 48 отсто од акциите на „Герас Цунев Конфекција“, како и 48 отсто од капиталот на „герас Цунев Трговија“.
Со оглед што станува збор за две блок трансакции, не е познато дали како купувачи се јавуваат два субјекти, или, пак, може станува збор за еден инвеститор.
Конкретно, во петокот, во првиот блок беа продадени 32.860 акции на Герас Цунев конфекција, по цена од 300 денари за акција, или целата зделка е 160 илјади евра, како и 33.145 денари од Герас Цунев трговија, исто по цена од 300 денари за акција, со што оваа продажба вкупно тежи 162 илјади евра.
Според последната состојба од ЦДХВ, во Герас Цунев конфекција имало четворица газди, со по околу една четвртина од акциите, и тоа ДГИ Тотал Инженеринг, со 24,97 отсто, потоа Снеѓана Јанева со 21,64 отсто, па ДПТУ Јавор Транс Струмица со 23,3 отсто, како и Трајче Заев со 22,25 отсто од акциите.
Во Герас Цунев Трговија, пак, се истите овие сопственици.
Кој од нив ги продал своите акции, а кои се инвеститорите, ќе се знае можеби утре, кога ЦДХВ треба да објави ревидирање на сопственичката структура на двете компании.
И едната и другата компанија работеле со загуби во последните две години.
Н.Н.Ф.
