СЕ ПОВЛЕКУВА ПРВИОТ ЧОВЕК НА КОМПАНИЈАТА КОЈА „ВЛАДЕЕ СО СВЕТОТ“ – за време на неговиот мандат имотот им порасна за повеќе од 80 отсто

Извршниот директор на Vanguard Group, Мортимер Џеј „Тим“ Бакли ќе се повлече од функцијата до крајот на годината, соопшти компанијата.

Бакли е во компанијата, за која се шпекулира дека е една од оние „кои владеат со светот“ веќе 33 години, а на нејзино чело е шест години.

За време на неговиот мандат, средствата на групацијата се зголемија за повеќе од 80 отсто.

„Пред 33 години, имав среќа да се приклучам на компанија која веруваше во давање фер шанса на инвеститорите бидејќи тие штедат за пензионирање, факултетско образование на нивните деца или нивниот дом од соништата… Бев страствен за развој на следната генерација лидери и со нетрпение очекувам новите лидери да ја однесат Vanguard до нови височини“, рече Бакли во изјавата.

Сега со средства од 9 трилиони долари под управување, Vanguard е вториот најголем менаџер за пари во светот по BlackRock.

Vanguard рече дека сега е во процес на избор на нејзиниот следен извршен директор.

Конзервативен пристап за инвестирање

Бакли го водеше Vanguard низ незгодно политичко опкружување за менаџерите на средства, кои привлекоа критики од левата и десната страна за тоа како ја користат зголемената моќ што ја поседуваат во гласовите на акционерите.

Vanguard успеа да избегне голем дел од контроверзите околу инвестирањето во животната средина. Бакли ја оддалечи фирмата од инвестирањето во ESG, велејќи дека истражувањето на Vanguard покажало дека ESG нема предност во однос на широкото инвестирање. Со тоа тој се повлече од сојузот познат како Net Zero Asset Managers во 2022 година.

Vanguard продолжи со својот конзервативен пристап за следење на пазарот за инвестирање под водство на Бакли. За разлика од своите конкуренти, таа не инвестираше во биткоини и не нудеше производи поврзани со криптовалути на својата брокерска платформа. Вангард го нарече биткоинот „повеќе шпекулација отколку инвестиција“.

Бонитет.ком

Фото: Принтскрин