Се помалку се гради во Европа! Евростат: Градежното производство во ЕУ и еврозоната во април е намалено за 0,4 отсто
Според прелиминарните проценки, градежното производство во ЕУ и еврозоната паднало за 0,4 отсто во април во однос на март, објави Евростат.
Априлското градежно производство во еврозоната се зголеми за 0,2 отсто во однос на ланскиот април, но на ниво на ЕУ опадна за 0,1 отсто на годишно ниво.
На месечна основа, градежното производство во земјите на ЕУ повеќе падна во Словенија – за 6,6 проценти, Холандија – за 5,3 проценти и Романија, а најмногу се зголеми во Белгија – за 3,0 проценти, Германија – за 2,0 проценти и Франција – за 0,8 отсто.
Сликата е нешто поинаква кога ги споредуваме податоците на годишно ниво. Најголем пад на градежното производство на годишно ниво е забележан во Словачка – за 6,9 проценти, Чешка – за 6,4 проценти и Финска – за 5,5 проценти, додека најголем раст е забележан во Словенија – за 23,3 проценти, Романија – за 12,6 отсто и Белгија – за 8,7 отсто.
Некои земји-членки на ЕУ се уште ги немаат објавено своите податоци за април, па оваа листа е нецелосна.
