СЕ ПОДГОТВУВА ГОЛЕМО ВРАЌАЊЕ НА ГОЛФОТ – тој ќе биде исклучиво електрично возило, а еве какви се плановите за другите модели

Volkswagen подготвува електричен Golf, но ова носи промени на друго ниво. Можеме да кажеме дека работите се движат во круг, прво беше e-Golf VII, потоа беше одлучено тој да биде заменет со целосно ново возило ID.3, а сега враќањето на електричниот Golf IX и се најавува откажување на  ID.3. Официјален претставник на компанијата навести дека ID.3 може да биде повлечен по само една генерација, за да се отвори патот за враќање на електричниот Golf.

Деветтата генерација на Volkswagen Golf веќе е потврдена како (исклучиво) електрично возило и треба да се произведува во Волфсбург на новата електрична платформа на VW Group. Магазинот Top Gear го праша Каи Гриниц, шеф за технички развој во компанијата, каква ќе биде судбината на ID.3 кога новата генерација на Golf ќе се појави на пазарот.

– Нема доволно простор за два или три различни модели кои одговараат на ист тип на купувачи. Почнавме да работиме на електричниот Golf. Имаме конкретни идеи како ќе изгледа, а ќе видиме како ќе се развива пазарот, пренесува ХАК Ревија.

Сепак, дури и ако ID.3 нема да живее повеќе од една генерација, враќањето на електричниот Golf нема веднаш да го означи крајот на ID.3. Груниц спомена дека ќе има преклопување помеѓу двата модели, што укажува дека VW ќе ги продава двете електрични возила во исто време, барем за некое време.

Во меѓувреме, неодамна редизајнираниот Golf VIII (или 8,5 како што го нарекуваат) го означува крајот на линијата за компактниот хечбек во ерата на мотори со внатрешно согорување. Ова го потврди и Гриниц. Не само што името Golf ќе преживее во ерата на електрична енергија, туку и понатаму ќе има модели GTI и R, но со електрична енергија. VW планира да го прекине производството на автомобили со мотори со внатрешно согорување во Европа во 2033 година.

Пословни