СЕ ПОЈАВИ НОВА ТРАГА ЗА ДАНКА: На депонија се испратени пожарникари, пишуваат српските медиуми

Пожарникарите ја „чешлаат“ депонијата на Стари Бањски, пишува Телеграф, наведувајќи дека во истрагата за исчезнувањето на Данка Илиќ се појавила нова трага.

Двегодишната Данка Илиќ исчезна во Бањско Поље на 26 март околу 14 часот и оттогаш и се губи секоја трага.

Веднаш започна потрагата по неа, а исто така за прв пат поради Данка во Србија беше пуштен системот „Најди ме“, сличен на американскиот „amber alert“.

Но, и покрај сите напори на полицијата и другите надлежни служби, Данка Илиќ и по седум дена не беше пронајдена.

Нејзините родители, особено нејзината мајка, неколку часа биле испрашувани во полиција, а на вештачење бил испратен и телефонот на нејзината мајка.

Таа не била подложена на полиграфско тестирање бидејќи е во друга состојба и помалку законски обврзана да го стори тоа, додека таткото бил и тој го положил тестот.

Полицијата во повеќе наврати изјави дека мајката на Данка Илиќ, Ивана Илиќ, не е осомничена, но дека со неа постојано се разговара за сите детали за исчезнувањето на Данка.