СЕ ОГЛАСИ КАЛИОПИ ПО ТРАГЕДИЈАТА НА КОНЦЕРТОТ ВО БЕЛГРАД: „Ова е најтажниот ден во мојата кариера…“

Калиопи Букле го откажа синоќешниот концерт откако една жена од публиката почина за време на настанот.

Несреќната жена дошла дури од Македонија во друштво на своите пријатели и ќерката, кога и се слошило во салата.

За жал, иако брзата помош пристигнала за кратко време, немало начин да ја спаси.

Калиопи била многу потресена од оваа вест, па ја напуштила сцената, а потоа со полицијата отишла во полициска станица да даде изјава.

Таа во текот на ноќта објави стори на Инстаграм и напиша дека и е многу тешко за трагедијата која се деси на нејзиниот концерт.

– Ова е најтажниот ден во мојата кариера… Денеска наместо да славиме живот на мојот концерт, загубивме живот… Во мое име и целиот мој тим, изразуваме најдлабоко сочувство до семејството на починатата. Ова е моја прва и единствена изјава за вечерашниот немил и многу тажен настан за сите нас… Се надевам дека мојата публика ќе има разбирање за одложувањето на вечерашниот концерт… Новиот датум ќе биде објавен наскоро. Калиопи – стои во објавата на Истаграм.

Фото: Принскрин/Инстаграм