СЕ ОГЛАСИЈА ОД „МАКСТИЛ“ КОИ ИМААТ ЗА ЗЕМАЊЕ 4,2 МИЛИОНИ ЕВРА ОД СОЛИДАРНИОТ ДАНОК: Подготвени сме да разговараме за враќање на рати

Компанијата Макстил, која плати највисок износ убедливио на солидарен данок, на сума од 4,2 милиони евра, се огласи околу околу фактот што Уставниот суд го поништи тоа законско решение, а според кое би требало Владата да им ги врати наплатените пари на компаниите. 

Од компанијата, барем според она што е наведено во нивното јавно соопштение, би можело да се заклучи дека тие се подготвени да ги добијат средствата дури и на рати, со оглед што велатр дека се подготвени да „разговараат за динамиката и точниот модалитет на враќање на средствата“.

„Макстил ја поздравува одлуката
на Уставниот суд со која се поништува Законот за солидарен данок, оценувајќи
дека оваа одлука е важен чекор во зачувувањето на правната сигурност и
предвидливоста на деловното опкружување во Северна Македонија“, велат на стартот од компанијата.

„Како општествено одговорна компанија, Макстил е подготвена на
разговори со Владата со цел да се најдат одржливи решенија кои нема да имаат
негативни импликации врз бизнис-секторот и економскиот развој на државата. Согласно
законските можности и рокови, Макстил ќе го започне процесот за барање за
поврат на средствата исплатени за солидарниот данок. Дополнително,
Макстил е подготвен да ги договори со Владата и Министерството за финансии,
динамиката и точниот модалитет на враќање на средствата. Сметаме дека секоја
одлука што излегува надвор од законските рамки, како што беше
случајот со солидарниот данок, има значителни последици врз финансиската
стабилност и буџетските политики, како и врз довербата на компаниите во
институциите.

Во овој контекст, Макстил верува дека е неопходен структуриран и
транспарентен дијалог помеѓу Владата и бизнис-заедницата за да се изнајдат
ефективни мерки за поддршка на јавните финансии, без да се наруши стабилноста
на стопанството и инвестициската клима во земјата.

Остануваме посветени на одржливото работење, поддршката на економскиот
раст и конструктивната соработка со институциите за креирање на стабилни и
предвидливи економски политики“, се вели во соопштението од компанијата.