Се обиделе да линчуваат странци осомничени за педофилија на базенот
Полската полиција викендов мораше да употреби гас за да спречи толпа која сакаше да линчува четворица странци за кои мислеа дека се педофили на базен во Битом на југот на Полска, бидејќи неколку деца им пријавиле на родителите дека „чичковците“ се однесуваат недолично.
Во саботата вечерта локалната полиција пристигнала на базенот по пријава дека четворица мажи недолично се однесуваат кон децата, што на родителите им го кажала едно девојче, а подоцна и неколку момчиња.
„Добивме повик дека некои мажи се однесуваат недолично кон малолетници. Бевме принудени да интервенираме. Приведивме четири лица осомничени за педофилија. Станува збор за странци, мажи на возраст од 18 до 48 години“, изјави за полските медиуми Ана Ленкевич од командата на градската полиција во Битом.
Самите гости на базенот ги привеле четворицата граѓани на Грузија, пишуваат полските медиуми, но кога полицијата сакала да ги одведе, толпата се обидела да го спречи, а полицијата, плашејќи се од линч, употребила бибер спреј за да ги растера толпата.
„Полицијата мораше да употреби гас. Тие не очекуваа вакво однесување од толпата“, рече Ленкјевиќ.
