СЕ НАМАЛИЛ ИЗВОЗОТ ОД ВИЕТНАМ: Љубителите на кафето ќе треба да платат поскапо за овој напиток
Поради климатските промени цените на кафето ќе продолжат да растат. Љубителите на кафето ќе треба да платат повеќе за ова задоволство.
Tие за крајните потрошувачи ќе продолжат да се зголемуваат бидејќи климатските промени, нарушувањата во снабдувањето и новите регулативи на ЕУ доведуваат до зголемени трошоци за печењата. Ова го потврди денеска претседателот на одборот на директори на италијанската компанија „Лавака“, Џузепе Лавака.
„Цените на кафето нема да паднат, ќе останат многу високи. Синџирот на снабдување со кафе е под сериозен притисок“, изјави тој за Фајненшл Тајмс.
Цената на кафето на полиците на супермаркетите во Велика Британија се зголеми за околу 15 отсто од 2023 година. Цената на фјучерсите за сортата „Арабика“ надмина 2,4 долари за фунта(0,45 кг) и се приближи до двегодишниот максимум од 2,5 долари за фунта забележан во април, објави „Трејдинг економикс“. Во првата половина од годината извозот на кафе од Виетнам е намален за 10,6 отсто во однос на истиот период минатата година – на 902.000 тони. Глобалните цени на кафето значително пораснаа во вториот квартал поради екстремните горештини во клучните региони во Азија. И претходните години поради мразеви во Бразил имаше помали приноси на кафето.
foto freepik.com/user19770072
