Се „чешлаат“ компаниите – Мицкоски вели нема да е изненаден ако заплената е до 100 тони марихуана!
Премиерот Христијан Мицкоски најави дека сите компании кои поседуваат лиценци за производство на канабис за медицински цели ќе бидат предмет на строги контроли.
„Очекувам во следните денови да се проверат сите компании кои добиле лиценци. Нема да бидам изненаден ако бројката достигне 100 тони“, изјави Мицкоски.
Мицкоски истакна дека очекува Владата денеска да го донесе задолжението за ревизија на објектите.
Оваа одлука доаѓа по последниот скандал во кој беа запленети околу 40 тони нелегална марихуана.
Целта на овие вонредни проверки е да се воспостави ред во секторот и да се спречи злоупотребата на медицинските лиценци за криминални активности на црниот пазар.
