СДСМ: Одложување на еврообврзницата, нема никакви трошоци за државата
Од СДСМ велат дека неточни се и тврдењата на лидерот на ВМРО-ДПМНЕ, Христијан Мицкоски за барање отштета и плаќање пенали поради неиздавањето на еврообврзницата.
Според нив, нема никакви трошоци за државата.
„Агентите и инвеститорите се навремено известени за административната пречка во врска со издавањето на еврообврзницата.
Инвеститорите се заинтересирани повторно да се пријават на аукцијата која ќе се реализира веднаш по изборот на новиот министер за правда.
Со средствата од еврообврзницата ќе се финансира евробврзицата од 2016 година, која доспева во јули.
Довербата на инвеститорите во економските политики на Владата предводена од СДСМ е силна, што се огледа од нивната побарувачка за еврообврзницата која беше за 2,5 пати повисока од понудата“, велат од СДСМ.
