СДСМ БАРА НУЛА ДАНОК ЗА ОСНОВНИТЕ ПРОИЗВОДИ: За ВМРО-ДПМНЕ ова е само демагогија
СДСМ бара нула данок за основната храна.
Партијата поднесе закон за намалување на цените на основните прехранбени производи. Бараат ДДВ-то од 5 да биде нула отсто, со што, како што велат, граѓаните месечно ќе заштедат до 2.000 денари. Во предлогот се опфатени повеќе од 250 категории производи, а на ваков чекор се одлучиле откако владините мерки за поевтинување на храната не дадоа некој значителен ефект.
„По еден месец, владината мерка за наводно поевтини основни прехранбени производи, се покажа како целосно неефикасна. Потрошувачката кошничка се намали само за 57 денари додека истовремено платите паѓаат. Реалноста е дека голем дел од цените не се намалија, некои се намалија минимално, а за некои производи цените дури и се зголемија“, изјави Венко Филипче, лидер на СДСМ.
Пред само една година, кога беа на власт, токму СДСМ го зголеми данокот на над 2.000 производи од 5 на 10 отсто.
Од ВМРО-ДПМНЕ велат дека ова е само демагогија. Рекоа дека нема да го подржат законот кој го понуди СДСМ. Пратеникот Бојан Стојановски вели дека понуденото законско решение има грешки и не може да влезе во процедура во Собранието.
На едно семејство месечно му требаат најмалку 1.000 евра за основните потреби.
foto freepik.com
