САЗДОВСКИ БИЛ ОД СВЕТИ НИКОЛЕ: Вчера планирал да се врати во Македонија
Македонскиот државјанин кој загина вчера во Нови Сад бил од Свети Николе.
Васко Саздовски (45) загина откако се урна натстрешницата на главната Железничка станица.
Саздовски работел како научник во локалниот институт „Биосенс“, објави „Политика“. Директорот на овој институт, Владимир Црнојевиќ ја потврди информацијата.
Саздовски имал научна кариера, работел во „Биосенс“ повеќе од една година, а скоро секој викенд се враќал во Македонија. Токму вчера тргнал да се враќа кон Македонија.
„Биосенс“ е истражувачко-развоен институт за информатички технологии на биосистемот. Основан во 2015 година, истражува иновативна примена на ИТ во земјоделството.
Вчера бројот на жртви растеше од час во час. Утрово медиумите јавија дека и две девојчиња починале.
Градежните инженери наведуваат причини зошто дошло до уривањето на натстрешницата.
