Саторански трагичар, Реал трет пат сезонава подобар од Барса

Вечерва беше најтесно, славеше со 65-64 во еден од понеефикасните Ел Класика во поновата историја, но и тоа е доволно за 13/0 за Реал од почетокот на новата сезона. Барса имаше неколку шанси, водеше сп 30-16 во втората четвртина, но дозволи противникот да направи серија од 16-0 и целосно да се врати во игра.

Во последниот квартал, Реал имаше +14 (57-43) за Барселона со 16-2 да дојде до израмнување на нешто повеќе од минута до крајот. Вистинска драма се случуваше во финишот, а удел во тоа имаше и судиската тројка. Кампацо го донесе Реал во водство од 62-59 со три слободни фрлања, а во клучните моменти потклекна еден од најискусните во тимот на Барселона, Томаш Саторански. Чехот промаши еден „пенал“ при негатива од три разлика на неговиот тим, за потоа, на општо изненадување да добие уште три слободни фрлања за наводна лична грешка врз него при обид за тројка од центар. И тука не се истакна, го промаши првото, го погоди второто и намерно го утна третото и со тоа отидоа сите шанси за Барселона.

Изненадување во ова коло направи Алба која на домашен терен ја совлада Олимпија Милано со 85-82 иако во последната четвртина губеше со 12 поени разлика. За германскиот тим ова беше прва победа сезонава во Евролигата.

РЕЗУЛТАТИ
Партизан Црвена Звезда 88-86
Алба – Милано 85-82
Реал – Барселона 65-64
Монако – Макаби 107-79
Олимпијакос – Анадолу Ефес 75-57