Сан Сиро не може да биде срушен, Милан и Интер ќе бараат друга област за нов стадион!
Интер и Милан веќе неколку години прават планови за изградба на нов стадион. Планот им беше тоа да биде на паркингот на сегашниот стадион, кој подоцна би бил срушен.
Но, локалните власти и некои секции на владата на Италија, го сметаат стадионот за споменик од историска важност.
Во 2026 година ќе бидат поминати 70 години од неговата изградба и тогаш тој според законот на Италија ќе стане историски споменик.
Тоа значи дека Интер и Милан доколку сакаат да градат нов стадион тоа ќе треба да го направат надвор од областа Сан Сиро.
Двата клуба тоа веќе и го прават. Милан се фокусира на Сан Донато Миланезе, додека Интер избра парче земја во областа Роцано.
