Само кратка пауза за Ѓоковиќ – по дебаклот во Њујорк набрзо почнува со тренинзи!
Иако го потенцираше недостатокот на ментална енергија за време на турнирот, очигледно е дека неговата потрага по олимпиското злато остави трага и дека немаше доволно време да се подготви за Њујорк. Неговата пауза нема да биде долготрајна, бидејќи се очекува од следниот понеделник да почне со тренинзи за плејоф пресметката со Грција, која е закажана за 14 и 15 септември во салата Александар Николиќ.
Ѓоковиќ ќе му биде на располагање на селекторот Виктор Троицки, а покрај него во тимот се очекуваат и Миомир Кецмановиќ, Душан Лајовиќ, Хамад Меѓедовиќ и Марко Максимовиќ.
