САХАРСКА ПРАШИНА ЈА ЗАДУШИ СРБИЈА: Доаѓа ли во Македонија?
Утрово во Србија и Белград осамна облачно, но и релативно топло, а во делови од земјата покрај слаб дожд, застапен е и песок од Сахара.
Во текот на претходната вечер северозападните предели на Србија беа зафатени со облачност со слаб дожд и овој систем во текот на ноќта се движеше над северот на Србија и Белград и донесе слаб дожд во овие области. Утрово паѓа само во Белград и на североистокот на Србија.
Во Србија доминира и изразената југозападна висинска струја, која освен што носи топла воздушна маса од северот на Африка, на нашите простори носи и честички од пустински песок од Сахара.
Не зборуваме за големо количество песок, туку доволно што слабиот дожд што паѓа утрово ги содржи овие честички кои ќе бидат видливи по престанокот на дождот, најмногу на возилата.
Републичкиот хидрометеоролошки завод на Србија најави и појава на слаб дожд во Банат и Поморавље во следните два часа.
Од УХМР велат дека сега за сега немаат информации дали сахарската прашина доаѓа во Македонија, бидејќи сѐ уште прогнозираат и анализираат.
За оваа појава зборуваа стручњаци и објаснија дека тоа е природна појава и дека нема причина за загриженост.
– Силен југозападен ветер собра песок од Сахара од северот на Африка, тој песок се искачи високо во атмосферата, го премина Медитеранот и воздухот стана богат со водена пареа. Се создадоа облаци и врнеше со честички од тој песок – објаснува за Курир метеорологот Ѓорѓе Ѓуриќ и додава дека нема причина за загриженост.
– Тоа е сосема природен феномен, нема загадување или радиоактивни честички и нема причина за страв. Дури и во зима може да се случи да падне жолтеникав снег. Слична појава имавме и во март, која тогаш беше поопасна, бидејќи покрај песокот од Казахстан, ветрот донесе многу загадување и од индустриски погони од југот на Русија.
Во другите делови на Србија е целосно суво, а денеска во сите делови ќе биде променливо облачно и топло со засилен југозападен ветер.
