САД започнаа воздушни напади во Сирија и Ирак
САД денеска започнаа воздушни напади во Сирија и Ирак како одговор на убиството на тројца американски војници во напад со беспилотно летало во Јордан, пренесоа светските агенции.
На крајот на јануари американскиот претседател Џо Бајден објави дека е донесена одлука каков ќе биде одговорот на нападот со беспилотни летала против американската војска.
Американските медиуми ги објавија нападите веднаш откако Бајден присуствуваше на церемонијата на пречек на американска територија на смртните останки на војниците убиени во неделата.
Во воздушните напади во источна Сирија загинаа шест борци на проирански милиции, соопшти директорот на невладината мониторинг организација Сириска опсерваторија за човекови права Рами Абдел Рахман.
Претходно, американскиот претседател Џо Бајден рече дека нападот „го извршиле радикални милитантни групи поддржани од Иран кои дејствуваат во Сирија и Ирак “ и се закани дека ќе возврати.
Во понеделникот иранската влада негираше вмешаност во нападот.
