САД погодија беспилотни летала и проектили во Црвеното Море лансирани од Хутите во Јемен
Американската војска вчера собори повеќе од десет беспилотни летала и пет проектили истрелани од Хутите во Јемен во Црвеното Море, соопшти американската команда за Блискиот Исток.
Од почетокот на конфликтот меѓу Хамас и Израел во Газа, Хутите ги зголемија своите напади врз трговските бродови во близина на брегот на Јемен во знак на солидарност со Палестинците во Газа. Минатата недела, Соединетите Држави најавија создавање на поморски безбедносни сили кои ќе дејствуваат во јужниот дел на Црвеното Море.
Во вторникот Хутите ја презедоа одговорноста за уште еден ракетен напад врз контејнерски брод. Израел изјави дека нападите врз бродови кои не се поврзани со Израел се чин на ирански тероризам.
„Израелски борбен авион денеска пресретна непријателска воздушна цел во регионот на Црвеното Море, која беше на пат кон израелска територија. Гранатирањето на Хутите е терористички акт. Тоа е чин во режија на Иран и со помош на иранското разузнавање и оружје. Овие непријателства не се насочени само кон Израел. Нападите на море против бродови кои не се поврзани со Израел се чин на ирански тероризам од страна на Хутите и тоа е глобален проблем“, рече Даниел Хагари.
