Рустеми: Кичево-Охрид се пролонгира поради појава на нови свлечишта и обрушување на косините
Директорот Ејуп Рустеми вечерва додека даваше отчет за работата на Јавното претпријатие за државни патишта рече дека треба да бидеме и самокритични бидејќи не е завршен автопатот Кичево-Охрид.
„Завршувањето на проектот се пролонгира поради појава на нови свлечишта и обрушување на косините и сме во фаза кога ни е потребна експертска помош. Исправени сме пред предизвикот што понатаму? Во која насока ќе се движиме?“, вели Рустеми.
Одговор ќе ни даде извештајот од ФИДИК експертот, како и извештајот од Државниот завод за ревизија кои ќе се најдат на следната Владина седница. Овој важен дел од Коридорот 8 треба да се реализира и да биде завршен, а деценискиот проблем решен. И експертската јавност и Државниот завод за ревизија се согласни дека проектот Кичево-Охрид е резултат на лошо проектирање и стартување, односно типичен пример како не треба прерано да се почне со реализација на еден проект, додава Русеми.
Тој вели дека „искуството ни покажа дека моделот на градба кој досега се применуваше е модел кој продуцира непредвидени проблеми и зголемени финансиси трошоци во реализација на проектите на терен“.
Поучени од Кичево-Охрид вели дека направена и промена во моделот на градба на патишта.
„Тргнувајќи од ова храбро зачекоривме кон промена на моделот на градба на патишта и сега со примена на модифицираниот ФИДИК и потпишувањето на историскиот договор со конзорциумот Бехтел и Енка, за 4 години и 7 месеци ќе изградиме 110 км автопатишта“, додава Рустеми.
Во својот говор додаде:
Многумина се скептични, не критикуваат, не веруваат дека проектот ќе успее, и ќе се реализира. Но, јас знам и сум убеден дека ова е проект на иднината и дека во предвидениот рок ќе возиме по нови автопатишта. Тогаш сите ќе се убедат и ќе ги почувствуваат придобивките од овој значаен проект во државава. И кога го потпишувавме договорот реков дека ова е проект за идните генерации и сега стојам на тој став!
Но, нема да застанеме тука.
ЈПДП веќе ја подготвува Годишната програма за 2024 година. Во неа покрај веќе тековните активности кои ви ги презентиравме и кои ќе продолжат и догодина предвидени се и изградба на нови патни правци со проценета вредност во висина од 367 милиони евра. Па така на листата на приоритети во 2024 ќе се најдат:
