РУСКА БАНКА ПОДНЕСЕ ТУЖБА ПРОТИВ JP MORGAN: За се е „виновна“ пченицата.

Руската
земјоделска банка „Rosselkhozbank“ поднесе тужба до судот во Москва против „JPMorgan“,
американската компанија за финансиски услуги.

Ова го објавија
локалните медиуми, врз основа на податоците од онлајн руската база на податоци
за арбитражни случаи.

Оттука
произлегува дека тужбата е поднесена на 20 ноември и дека судот допрва треба да
го започне процесот. Сепак, во прикажаниот документ нема повеќе детали за
случајот.

Rosselkhozbank,
клучниот руски заемодавец во земјоделството, е главниот финансиски посредник за
рускиот извоз на храна и ѓубрива. Минатата година беше цел на западните санкции
и исклучена од меѓународниот платен систем SWIFT.

Но, повторното
поврзување на оваа банка со SWIFT беше едно од главните барања на Москва во
неуспешните преговори за Црноморската иницијатива за жито, што Русија ги
прекина во јули. Договорот, кој минатата година го склучија ОН и Турција,
требаше да ја олесни испораката на украинското жито на светските пазари, во
услови на конфликт меѓу Москва и Киев.

Договорот, исто
така, се очекуваше да помогне во укинување на западните санкции, кои го
попречија рускиот извоз на земјоделски производи.

Според Ројтерс,
САД во април 2023 година му дале дозвола на JPMorgan да ги обработува плаќањата
за земјоделски извоз преку Rosselkhozbank, според договорот за жито, а
аранжманот требаше да биде замена за повторното поврзување на банката со SWIFT.
Но, и оваа соработка беше прекината на почетокот на август, откако Москва во
јули се повлече од бизнисот со жито, соопшти руското Министерство за надворешни
работи.

ФОТО: Unsplash/Rajeev Ramdas