РУСИТЕ СЕ ЗАГРИЖИЈА ЗА СВОИТЕ ЗАШТЕДИ: Дали ќе бидат замрзнати депозитите на мало?
Руската централна банка ги демантираше гласините дека ќе ги замрзне депозитите на мало.
Целта на институцијата е да ја контролира инфлацијата, предизвикана од владините трошоци и растот на платите. Комерцијалните банки им понудија на своите клиенти краткорочни депозити со каматни стапки и до 30 отсто. Ова доведе до засилена активност бидејќи граѓаните почнаа да префрлаат пари од една во друга банка во потрага по највисок принос.
„Оваа идеја е апсурдна, покрај тоа што е грубо кршење на правата на граѓаните и компаниите да управуваат со своите средства, таквиот чекор би ги поткопал темелите на банкарскиот систем и финансиската стабилност на земјата“, соопшти РЦБ на својот канал на социјалната мрежа Телеграм, пренесува „24Часа.бг“.
Русите се загрижија за своите заштеди. Откако почна војната во Украина, руската рубља имаше нагли намалувања на вредноста.
foto freepik.com
