Русите почнаа да произведуваат руска вијагра
Руската индустрија и Министерството за трговија ги забрзуваат напорите за производство на таблети кои ќе ја заменат вијаграта, откако американскиот производител минатата година го прекина извозот на лекот во Русија, пишува весникот Политико.
Американската фармацевтска компанија „Виатрис“, подружница на „Фајзер“, најави дека ќе ги запре планираните инвестиции и сите клинички испитувања во Русија поради инвазијата на Украина, но продолжи да извезува апчиња против еректилна дисфункција.
Руското Министерство за трговија, сепак, објави дека минатата година добиле информации од Виатрис и за прекин на извозот на вијагра, пренесува порталот.
За да го надополни недостатокот на лекот, Кремљ почна да поддржува клинички испитувања и според резултатите доставени до Интефакс, руските компании имаат технолошки можности да произведат генерички лек кој ја содржи супстанцијата силденафил, кој се продава под брендот Виагра.
Според податоците, 36 руски компании добиле потврда за регистрација за производство на рускиот таблет, за кој има огромна побарувачка, наведува Политико.
Студијата, објавена од Комерсант, покажува дека во средината на 2022 година Русите купиле 2,7 милиони таблети против еректилна дисфункција, што е зголемување за 88 отсто во споредба со истиот период во 2021 година.
Во првите три квартали од 2022 година, производството на лекот што содржи силденафил се зголеми за 11 отсто, додека продажбата порасна за повеќе од 15 отсто, пишува Интерфакс.
Руското Министерство за здравство соопшти дека во аптеките нема недостиг од овој генерички лек.
Санкциите наметнати на Русија од страна на САД, Велика Британија и Европската унија не се однесуваат на лекови и медицинска опрема, но западните фармацевтски компании предупредија дека снабдувањето со лекови може да биде тешко поради ограничувањата на банките, а повеќето компании доброволно дале подигнат бизнис во Русија.
