РУСИН Е НАЈДЕН МРТОВ ВО БЕЛГРАД: Беше жесток критичар на Путин
Жесток критичар на рускиот претседател Владимир Путин е најден мртов во Белград.
Рускиот новинар и готвач Алексеј Зимин почина на 53-годишна возраст во српската престолнина Белград.
Тој е сопственик на познатиот ресторан „Зима“ во елитниот дел на Лондон во Сохо, и е пронајден мртов во изнајмен стан во Белград, јавуваат светските и регионалните медиуми.
Како што наведува Нова.рс сопственикот на станот го пронашол Зимин на подот без знаци на живот со рана на главата. Според неофицијални информации, сопственикот на станот не можел да дојде до него цели 7 дена, па отишол да види што се случува. За случајот е информиран обвинителот на Вишото јавно обвинителство во Белград.
Тој беше истакнат критичар на војната во Украина, а претходно објави видео на Инстаграм во кое пее антивоена песна, пишува „Економист“.
Откако објави видео со антивоена песна, неговата руска емисија „Готвење со Алексеј Зимин“ ненадејно беше откажана на мрежата НТВ.
Многу критичари на Путин и неговата инвазија на Украина доживеаја мистериозна смрт.
