Русија ќе и испорача на Кина 22 милијарди кубни метри гас во 2023 година
Оваа година Русија ќе ја зголеми испораката на гас за Кина на 22 милијарди кубни метри, изјави вицепремиерот Александар Новак во интервју за телевизијата „Русија-1“.
„Претходните бројки покажуваат дека до крајот на 2022 година резервите на нафта, гас и јаглен се зголемени“, рече Новак, пренесе ТАС.
Според него, минатата година Русија испорача 15 милијарди кубни метри природен гас во Кина, а се очекува таа бројка да достигне 22 милијарди кубни метри во 2023 година.
За време на средбата во март, претседателите на Русија и Кина, Владимир Путин и Си Џинпинг, им наредиле на владините делегации да ја завршат подготовката на документите за гасоводот Сила Сибир-2 за да ги потпишат што е можно поскоро, пренесува Танјуг.
