РОМАНИЈА, ГЕРМАНИЈА И БУГАРИЈА СО НАЈГОЛЕМ ПАД – индустриското производство во ЕУ бележи надолна линија
Индустриското производство во мај годинава, во однос на мај лани, е намалено за 2,5 отсто, а во еврозоната за 2,9 отсто, објави Евростат, статистичката агенција на ЕУ, повикувајќи се на првични проценки.
На месечно ниво, во однос на април, индустриското производство во ЕУ е намалено за 0,8 отсто, а во еврозоната за 0,6 отсто.
Во ЕУ на годишно ниво најголем пад забележа производството на капитални добра – за 6,3 отсто.
Производството на трајни производи за широка потрошувачка падна за 4,1 отсто, а на нетрајни производи за 3,3 отсто.
Производството на интермедијарни производи, односно полупроизводи падна за 3,1 отсто, а единствен раст е забележан производството на енергија за 1,2 отсто.
Најголем годишен пад на индустриското производство е забележан во Романија од високи 6,9 отсто, а веднаш зад нив е Германија со 6,6 проценти пад на индустриското производство. Веднаш зад нив е Бугарија каде падот на индустриското производство е дури 6,3 отсто.
За ралика од нив, сосема спротивно, силен раст на индустриското производство забележаа Данска, Ирска и нашиот сосед Грција. Данците бележат раст на индустриското производство од 9,6 отсто, додека ирците од 8,7 проценти. Соседна Грција има раст на индустриското производство од 6,8 отсто.
