Романија ќе има највисок економски раст – каде е Македонија?

Македонија ќе има понисок раст од повеќе балкански земји годинава. Светска банка oбјави дека економскиот раст на Македонија во 2023 година ќе изнесува 2,5 отсто.

Раст од 2,7 отсто ќе има во Бугарија, 2,8 отсто во Босна и Херцеговина, 2,5 отсто во Хрватска и 3,2 отсто во Црна Гора, покажува најновиот есенски извештај за економските перспективи во регионот на Европа и Централна Азија. Србија ќе има раст од 2 отсто.  Најголем раст ќе има во Романија – 3,7 отсто. Светска банка предвидува дека растот во Европа и Централна Азија ќе остане послаб од долгорочниот просек пред пандемијата на коронавирусот. Проценката за економскиот раст на овој макрорегион е зголемена во октомври на 2,4 отсто, од 1,4 отсто во јуни. Во него за Западен Балкан се проценува раст од 2,5 проценти во оваа година, а подоцна забрзување до 3,3 проценти во 2024 и 2025 година. Ова е благо надолна ревизија од 0,1 процентен поен во однос на јунската проекција, објави порталот Данас.