Рома почна преговори со Баерн за Марсел Сабицер

Рома е силно заинтересирана за да го донесе Сабицер, но нема премногу пари за џиновски трансфери, па првите разговори со Баварците биле да се искористи опцијата Австриецот да биде земен на едногодишен заем, но Баерн засега за приоритет има да го продаде.

Цената на Сабицер која неодамна ја објавија низа германски медиуми е само 15 милиони евра, но и тие пари „волчицата“ ги нема за да ги плати, па сега според најавите од Италија ќе се обидат со втора опција да го земат на едногодишен заем со опција за откуп или со задолжителен откуп ако римјаните обезбедат пласман во ЛШ за сезоната 2024/25.