Родителска љубов: На синот му го испокршил БМВ-то за да го спречи да вози пијан
Родителската љубов се манифестира на различни начини, а ова е една од понеобичните.
Со години сме сведоци на бројни примери како возачи на скапи тркачки автомобили БМВ не се многу внимателни во сообраќајот. Згора на тоа, се добива впечаток дека бонтонот во возењето не им е силна страна, а понекогаш во самодоверба ги преценуваат своите возачки способности.
Последниот пример укажува на нешто слично. Скршеното купе на BMW од серијата 3 е резултат на девијантно однесување. Но, ова БМВ не учествувало во несреќата, туку така изгледа бидејќи сторителот сакал автомобилот да не учествува во евентуална несреќа.
Работите стануваат појасни кога ќе кажеме дека автомобилот го демолирал таткото на сопственикот на автомобилот. Тој ги скршил стаклата од автомобилот и го издлабил телото на места за да го спречи синот да вози под дејство на алкохол. Фотографијата ја објави полицијата во Логроно, Шпанија, со информација дека во текот на ноќта бил оштетен паркиран автомобил, а очевидци виделе џип како со голема брзина се оддалечува.
Полицијата го запрела теренецот и идентификувала две лица во него, таткото кој го демолирал автомобилот и 32-годишниот син на совозачкото седиште. По истрагата ја дознале позадината на немилиот настан. Таткото се обидувал да го убеди синот дека е премногу пијан за да вози. Кога тој одбил да му ги даде клучевите од БМВ-то, таткото се налутил, земал макара и го искршил автомобилот.
Епилогот од врската татко-син не е познат, но доколку имате сличен проблем во вашето семејство, дефинитивно ви препорачуваме некои помирни решенија како што е разговорот. Или само пуштете го воздухот од гумите.
