Родители бараат дезинфекција на „Панајот Гиновски“ – три дена нема настава!
Откако во просториите на основното училиште „Панајот Гиновски“ во општина Бутел беа пронајдени глувци, голема вознемиреност се појави меѓу родителите на учениците.
Родители заедно со своите деца денеска излегоа на протест, барајќи итна реакција од надлежните институции.
„Децата не следат настава веќе три дена. Бараме училиштето да се исчисти и дезинфицира за безбедност на нашите деца,“ изјави еден од родителите за ТВ21.
Родителите најавуваат дека ќе продолжат со протестот сè додека не се обезбедат безбедни и хигиенски услови за наставата.
