Родени предвремено во 27 гестациска недела: Марија и Василиј од ГАК си заминаа дома

„Продолжуваат среќните приказни од нашето одделение за интензивна нега и терапија на новородени деца.

Пред неколку дена предвремено родените бебиња – близначињата Марија и Василиј си заминаа дома како здрави бебиња“, соппштија утринава од ГАК.

Родени се во 27 гестациска недела, Василиј со родилна тежина од 900 грама, а Марија со 940 грама.

По 72 дена престој на ОИН, каде секојдневно ја добиваа медицинската нега и безграничната љубов од педијатрите, медицинските сестри и од целиот персонал на ОИНТ, Василиј го испративме дома со 2000 грама, а Марија со 2250 грама.

„На малите борци близначиња им посакуваме многу здравје, безгрижно детство и само радости да им носат на своите родители“ , додаваат од ГАК.