Роботите ќе ја предводат идната колонизација на Месечината и Марс
Според Иван Ивановски од Prime Capital, идните вселенски мисии на НАСА и SpaceX сè повеќе ќе се потпираат на роботски системи и вештачка интелигенција, наместо на човечки екипажи.
Тој во разговор за „Ноќно студио“ на 4ТВ.мк истакна дека технологиите што денес се користат за автономно возење на возила како системот FSD на Tesla, како и роботот Optimus, лесно можат да се адаптираат за работа во вселенски услови.
„Мислам дека за Месечината и Марс главните мисии ќе ги извршуваат роботите Optimus. Прерано е луѓето директно да работат таму. 99% сум сигурен дека роботите ќе ја преземат главната улога,“ изјави Ивановски.
Тој додава дека автономните системи се особено погодни за непознати терени, каде ризикот за човек е висок, а прецизноста и сигурноста на алгоритмите може да бидат поголеми од човечките реакции.
