РОЈТЕРС ИСТРАЖИ – ЕГЗОДУСОТ НА ЗАПАДНИТЕ КОМПАНИИ НЕ ГИ ВОЗНЕМИРИ РУСИТЕ: Лесно ги добиваат производите што ги сакаат
Официјалните
статистички податоци покажуваат дека обемот на стоки – испорачани во Русија
преку паралелен увоз – надмина 20 милијарди долари од декември.
Егзодусот на
западните компании од Русија имаше минимално влијание врз потрошувачите во
земјата, објави Ројтерс оваа недела, истакнувајќи дека повеќето стоки лесно се
наоѓаат.
Според сегашните
информации, главната промена била во маршрутите за снабдување, но производите
остануваат достапни и онлајн и во продавниците, иако времето на испорака може
да биде подолго, а некои стоки поскапи.
Во извештајот се
наведува дека огромното мнозинство на стоки не се предмет на западни санкции и
затоа се легални.
Преглед на
Ројтерс на шест големи онлајн пазари и разговори со десетина купувачи и
продавачи покажа дека на рускиот пазар пристигнува широк спектар на увезени
стоки.
– Брзо беа
воспоставени контакти и беа потпишани нови договори со нови партнери, беа
иницирани нови текови на пари и логистички синџири за снабдување со турски,
полски и казахстански компании – изјави неименуван висок функционер во продавница
за малопродажба.
– Сепак, како и
обично, клиентот е тој што го плаќа цехот, односно дава повеќе пари поради овие
непријатности – додава тој.
Минатиот март,
руската влада ги овласти трговците на мало да увезуваат производи од странство
без дозвола на сопственикот на трговската марка. Механизмот на „паралелен увоз“
беше легализиран за снабдување на пазарот со стоки што западните компании
престанаа да ги снабдуваат поради санкциите.
Рам Бен Цион,
главен извршен директор на платформата за дигитална верификација Publican,
изјави за Ројтерс дека како што се развиваат нови рути, дополнителните трошоци
за логистика, патување и скалирање ќе опаѓаат.
– Консолидирани и
проширени се механизмите за паралелен увоз, што значи дека речиси сè е достапно
и така ќе биде и во иднина – рече тој, посочувајќи на линиите камиони на
границата и новите субјекти што се појавуваат во блиските земји.
