РКЕ ја намали цената на Електродистрибуција за да нема „струен“ шок од јануари
Претседателот на Регулаторна комисија за енергетика,Марко Бислимовски, денес соопшти дека значително се намалува цената во делот од сметките за електрична енергија кај домаќинствата за дистрибуција.
Електродистрибуција,компанијата на ЕВН задолжена за мрежното покривање, оствари големи добивки изминатиот период. Сега РКЕ ја намалува цената на оваа услуга за да не дојде до ценовен шк од 1 јануари 2025 кога ЕВН Хоме,како универзален снабдувач, ќе ја соопшти својата цена. Веќе е соопштено дека АД ЕСМ ќе му ја продава струјата на ЕВН Хоме поскапена од 60 на 62 евра по мегаватчас, но и прашање е колкав дел од потребните количини ќе може да задоволи.
– Според цената од 62 евра на ЕСМ кај ЕВН Хоме,не очекувам дека ќе има поголемо покачување од 1 процент на конечната цена за домаќинствата и поголемиот дел од малите потрошувачи, рече денеска Бислимовски.
Мрежарината,преносот и диструбуцијата, според денешната одлука на седницата на РКЕ, ќе претрпат намалување за 7 проценти. Според одлуката, цената за дистрибуција се намалува за 5,52 проценти, а делот од мрежарината се намалува за 7 проценти
– Успеавме да ја намлиме мрежарината, бидејќи кај одредени компании има поголем остварен профит, порача Бислимовски.
Конечната цена, односно колкаво ќе биде очекуваното минимално поскапување,ќе биде познато кон крајот на декември.
