РЕТКО КОЈ ПЛАЌА ВО КЕШ: Oвие земји први би ја укинале готовината
Постојат земји кои сакаат да бидат општества без готовина.
Норвешка има 0 отсто граѓани без банкарски сметки, односно сите граѓани веќе користат банкарски услуги. Околу 2 отсто од плаќањата во земјата се вршат во готовина. Со 32 банкомати на 100.000 луѓе, Норвешка веројатно ќе биде општество без готовина.
Финска е во слична состојба, но таа има 37 банкомати на 100.000 жители. Банката на Финска проценува дека до 2029 година, готовината нема да се употребува.
Во Шведска е популарно мобилното плаќање на кое отпаѓаат 20 отсто од трансакциите. Засега само 1 отсто од плаќањата е во готовина. Старите луѓе најчесто користат готовина.
Нов Зеланд има 54 банкомати на 100.000 луѓе. Само 1 отсто од населението нема сметка во банка.
Во Британија 17 отсто од луѓето плаќаат во готовина. Оваа земја има 99 банкомати на 100.000 жители, а безготовинското плаќање станува популарно, пишува bizlife.
