РЕТКА СУПЕРМОЌНА ОЛУЈА СО ГРАД ГО УНИШТИ ВРБАС: Луѓе се здобија со исекотини и скршеници, дупки по фасадите како од митралез

Итната помош во Врбас синоќа интервенирала 51 пати поради последиците од град,
потврдија за Еуроњуз Србија. Екипите
укажаа помоѓ за лицата кои за време на врнежите се најдоа на улица, а
кои се здобија со расекотини од последиците од град, скршеници на рацете и
нозете. Едно лице е згрижено поради последици од удар на гром, а повредени се и
голем број деца. За среќа, никој
не е во животна опасност.

Метеорологот на Еуроњус Србија, Милена Лазаревиќ објаснува
дека синоќешното силно невреме кое зафати делови од Војводина е резултат на
студен фронт, но и на фасцинантен феномен кој е многу редок во овие региони – суперклеточен облак.

„Веќе околу пладне, студен фронт се спушти од правец на
Унгарија и Хрватска, кој во допир со нашата прегреана почва предизвика бурни
процеси“, објаснува Лазаревиќ.

При формирањето на ваквите облаци, индексот на нестабилност,
односно комбинацијата на влага и топлина, е доста висок.

„Колку воздухот е потопол, толку повеќе влага може да прими,
а таквата комбинација е поттик за формирање на такви облаци.

Облаците Supercell, освен нивниот фасцинантен изглед, се
карактеризираат со силни нагорни струи кои ротираат во облакот.

Još jedan video iz Vrbasa
Deluje apokaliptično.
Ig pic.twitter.com/TNrAkG7Aup

— Patogeni puding (@PatogeniP) July 13, 2023

Суперклеточните
облаци можат да се протегаат на десетици, па дури и стотици километри бидејќи
се екстремно големи и во хоризонтална и во вертикална насока. Тие „изгаснуваат“
кога ќе им снема енергија, односно кога ќе се намали индексот на нестабилност.

„Создавањето на суперклеточни бури е ретка појава во нашиот
регион, тие најмногу се јавуваат на тропски географски широчини кои освен со
топлина се богати и со водена пареа“, истакнува Лазаревиќ и продолжува:

„За метеоролозите тие претставуваат посебен предизвик
бидејќи нивното време и локација се навистина тешки и речиси невозможно да се
предвидат.

Градот ги осакати посевите

Во Сомбор врнеше дожд, придружен со грмежи и слаб ветер,
додека во Апатина десет минути паѓаше град со големина на помал орев. Но,
најлошо претрпе градот Врбас и неговата околина, каде беше причинета и голема
материјална штета.

„Ни пукнаа ролетните и ни се сруши дел од фасадата, дури и
пукнаа цевките на соседите, а речиси и да нема куќа или автомобил што не е
оштетен“, вели жител на Врбас во изјава за Еуроњуз Србија.

ФОТО: FB/Vojvodina Uživo